1 Փետրվար, Դշ, Առաջավորաց պահքի Գ օր

Գրքեր

«Կյանքի ժամանակը պետք է բարիքով լցնել»

«Ոչինչ ավելի պատվական չէ, քան ժամանակը, այդ պատճառով կյանքի ժամանակը պետք է բարիքով լցնել, որովհետև անցնող ժամանակը ոչ ոք չի կարող վերստին ստանալ»,- ասել է եռամեծար վարդապետ Ս. Գրիգոր Տաթևացին: Այսօրվա ժամանակաշրջանին բնորոշ շտապողականության մեջ շատ հաճախ մարդիկ կանգ չեն առնում, որպեսզի ժամանակավորից բացի խորհեն նաև հավիտենության մասին: Առավել կառչելով երկրային արժեքներին՝ մոռացության են մատնում երկնայինը: Թեև մարդը գործում է, բայց գործում է զուր և անպտուղ, քանի որ ժամանակը չի հարստանում սիրով ու բարությամբ և քանի որ հնարավոր չէ վերստին ստանալ ժամանակը, ուստի պետք է շտապել, բայց շտապել՝ բարին գործելու:

Հոկտեմբերի 27-ին Զորավոր Ս. Աստվածածին եկեղեցու «Զորավոր» երիտասարդաց միությունը, միության պատասխանատու Տեր Վահան քահանա Առաքելյանի գլխավորությամբ, շտապեց օգնության ձեռք մեկնել սոցիալապես ծանր վիճակում հայտնված Սահակյան բազմազավակ ընտանիքին, որ բնակվում է Գյումրի քաղաքի Շիրակացի թաղամասի 68 շ, բն 6 հասցեում: Տարրական պայմաններից զուրկ կիսաքանդ տանը բնակվող ընտանիքը հոկտեմբեր ամսվա վերջին, առաջ եկած թղթաբանական խնդիրների պատճառով, փողոցում հայտնվելու վտանգի առջև է կանգնած: Չորս անչափահաս երեխաների հայրը՝ Սահակյան Սամվելը (43 տ.), հաշմանդամության պատճառով ի վիճակի չէ աշխատել, աշխատում է նրա կինը՝ Գալստյան Անչիկան (35 տ.): «Զորավոր» երիտասարդաց միությունը Սահակյան ընտանիքին փոխանցեց 50 000 դրամ, սնունդ և հագուստ: Ընտանիքը շնորհակալություն հայտնեց երիտասարդներին՝ ուշադրության և հոգածության համար:

 

Կարինե Սուգիկյան

 

27.10.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․