Ո՞ւմ վստահել

Մի անգամ աշակերտը հարցրեց ծեր վանականին.

- Ինչպե՞ս սովորեմ ճանաչել մարդկանց. ում վստահեմ և ումից զգուշանամ:

- Նախ կասեմ քեզ, թե ումից է պետք զգուշանալ,- ասաց ծերունին,- Զգուշացիր ամենախոնարհ տեսք ունեցողից: Երբ տեսնես, որ ինչ-որ մեկը խոնարհվում է քո առջև, ողջագուրվում է քեզ հետ և իր բացառիկ համակրանքն է ցույց տալիս քո նկատմամբ՝ նրանից էլ ամենաշատը զգուշացիր:

- Ինչպե՞ս թե, Հայր,- զարմացավ աշակերտը,- բացատրիր ինձ:

- Որովհետև նա առաջինը քեզ կդավաճանի,- հոգոցով պատասխանեց ծերունին:

- Իսկ ո՞ւմ վստահեմ այդ դեպքում,- հարցրեց աշակերտը:

- Վստահիր նրանց, ովքեր պարզ են քեզ հետ և ճշմարտությունն են քեզ ասում, ինչպիսին էլ, որ այն լինի, այդ մարդիկ առաջինը կգան քեզ օգնության:

Ռուսերենից թարգմանությունը՝ Էմիլիա Ապիցարյանի