Վարսավիրանոցում

Մի մարդ վարսավիրանոց գնաց: Մազերը կտրելու և ածիլելու ժամանակ վարսահարդարի հետ Աստծուց խոսեցին:

Վարսահարդարն ասաց.

- Ինչ էլ որ ասեք, չեմ հավատում, որ Աստված գոյություն ունի:

- Ինչո՞ւ,- հարցրեց հաճախորդը:

- Բավական է միայն փողոց դուրս գալ՝ համոզվելու համար, որ Աստված չկա: Ասացեք խնդրեմ, եթե Աստված գոյություն ունի, ապա որտեղի՞ց այսքան հիվանդ մարդիկ: Որտեղի՞ց թափառական երեխաներ: Եթե նա իրոք գոյություն ունենար, ապա այսքան տառապանք ու ցավ չէր լինի: Դժվար է սիրող Աստված պատկերացնել, ով թույլ է տալիս այս ամենը:

Հաճախորդը մտածմունքի մեջ ընկավ: Երբ վարսահարդարն աշխատանքն ավարտեց, հաճախորդը վճարեց ու վարսավիրանոցից դուրս գալիս երկարած մազերով ու չսափրված մի մարդու տեսավ: Ետ վերադարձավ, վարսահարդարին պատուհանի մոտ կանչեց ու թափառականին մատնացույց անելով՝ ասաց,

- Վարսահարդարներ գոյություն չունեն,- քաղաքավարությամբ բարձրացրեց գլխարկն ու դուրս եկավ:

Ռուսերենից թարգմանությունը՝ Էմիլիա Ապիցարյանի