Պատասխան – Եթե քահանան Արիոսի հետևորդ է, նրա մատուցած Պատարագն ընդունելի չէ, քանզի Արիոսը պատարագված Քրիստոսի աստվածությունն ուրացավ: Եթե Եվնոմիոսի հերձվածին է հետևում, նրա մատուցածը ևս ընդունելի չէ, քանզի Եվնոմիոսը Սուրբ Հոգու աստվածությունն ուրացավ, որ բոլոր խորհուրդների կատարելագործողն է: Եթե Ապողինարի հերձվածին է հետևում, նույնպես ընդունելի չէ, քանզի Ապողինարը Քրիստոսի բանական հոգին ուրացավ: Այսպես ընդունիր նաև ուրիշ աղանդապետերին հետևող քահանաների մատուցած Պատարագը, որոնք այս հերձվածողների նման մտքեր կունենան: