Պատասխան - Քա՜վ լիցի. ամեն ինչ հայտնի է Իրեն, բայց երբ հարցնում է՝ «Ո՞ւր ես», ուզում է ասել, թե «Ես քեզ անմեղ ստեղծեցի, յոթնարփյան շնորհներով զարդարեցի, այժմ ո՞ւր մնացիր, ինչո՞ւ մերկացար այդ աստվածապարգև փառքից»: Նաև գիտենք, որ հանցանք ունեցող մարդն է ամաչում երևալ: Բայց Աստվածային Անճառելի Ներողամտությունն ամենևին հետ չի վերցնում Իր մարդասիրությունն Ադամի վրայից, այլ, ընդհակառակը, համարձակություն է ներշնչում, սիրտ է տալիս, և հարցնում է՝ «ո՞ւր ես», որպեսզի գուցե նա էլ, հանցանքն զգալով, մեղա գոչի: Սակայն Ադամն իրեն զղջման շնորհին արժանի չհամարեց:
Զորավոր Սուրբ Աստվածածին եկեղեցի