25 Նոյեմբեր, Բշ
Մի մարդ տուն գնեց: Տունը մեծ էր, գեղեցիկ և շրջապատված էր պտղատու ծառերով: Իսկ կողքին հին տանը ապրում էր նախանձ հարևանը, որն անընդհատ փորձում էր փչացնել նրա տրամադրությունը՝ մեկ աղբ էր թափում նրա դարպասների մոտ, մեկ ինչ-որ տհաճ բան էր մոգոնում:
Մի անգամ մարդն արթնացավ շատ բարձր տրամադրությամբ, դուրս եկավ դռան շեմ և այնտեղ տեսավ դրված դույլ, որը լցված էր կեղտաջրով: Մարդը վերցրեց դույլը, թափեց կեղտաջուրը, դույլը մաքրեց, փայլեցրեց: Հետո հավաքեց իր այգուց ամենամեծ, հասած և հյութալի խնձորները, լցրեց դույլը և եկավ հարևանի տուն:
Հարևանը լսելով դռան թակոցը, չարամտորեն մտածեց. «Վերջապես ես հունից հանեցի նրան»: Նա բացեց դուռը սկանդալի հույսով, իսկ հարևանը, նրան մեկնելով խնձորներով լի դույլը, ասաց.
- Ով ինչով որ հարուստ է դրանով էլ կիսվում է:
Ռուսերենից թարգմանությունը՝ Էմիլիա Ապիցարյանի
Զորավոր Սուրբ Աստվածածին եկեղեցի