«Մարդ կկորցնի ամեն ինչ, բացի նրանից, ինչ բաշխել է»

Տարբեր են Աստծու կողմից շնորհված պարգևները և անթիվ՝ մերձավորին օգնելու կերպերը: Յուրաքանչյուրին շնորհված կարողությունը ևս մի պարգև է, որ անհրաժեշտ է շրջանառության մեջ դնել, բազմապատկել սիրո գործերով և վերադարձնել Պարգևատուին կարիքի մեջ գտնվող մերձավորի ձեռքով: Մարդուն շնորհված պարգևները նրա սեփական վայելքի համար չեն, այլ սիրո գործերը կյանքի կոչելու համար: Սերը մերձավորի հանդեպ մարդկության զարդն է և մխիթարությունը,  սիրող սիրտը դրախտային երանության մեջ է, քանի որ մերձավորին սիրելը մարդու էության հիմքում է, բայց եսասիրությունն աննկատ կերպով կեղծ ուղղություն է տալիս այն ամենին, ինչ մարդու մեջ բնական է:

«Նրանք, ովքեր բաց են թողում գործի համար բարենպաստ ժամանակը, չեն ստանա իրենց փնտրած բարիքները: Որովհետև ո՞վ հավանություն կտա այն հողագործին, որ երբ պետք է հողը հերկի և սերմանի՝ առատ բերք ստանալու համար, անձնատուր է լինում անգործության: Ո՞վ հավանություն կտա այն այգեպանին, որ երբ պետք է խաղողի խնամքով զբաղվի, հնձանի մոտ նստած, ուրիշների աշխատանքին է հետևում: Ո՞վ հավանություն կտա այն նավորդին, որ առևտուր անելու ժամանակ մնում է նավահանգստում և ժամանակ անցկացնում պանդոկներում: Ոչ ոք, իհարկե: Հետևաբար, եթե դա իսկապես այդպես է, ո՞վ հավանություն կտա այն քրիստոնյային, որ սխրանքներ գործելու ժամանակ պարգևներ է պահանջում: Այստեղ սխրանքների վայր է, իսկ պարգևների վայրն այնտեղ է: Այդ պատճառով չկորցնենք բարին գործելու ժամանակը, որպեսզի այնտեղ չապաշխարենք առանց օգուտի»,- ասել է եկեղեցու հայրերից՝ Իսիդոր Պելուսիացին:

Սեպտեմբերի 2-ին Զորավոր Ս. Աստվածածին եկեղեցու հոգևոր դասը և «Զորավոր» երիտասարդաց միությունը, ժամանակն ի փառս Աստծու և հօգուտ մերձավորի գործածելով՝ դրամական աջակցություն (100 000 դրամ) ցուցաբերեցին Սոնա Խաչատրյանին (39 տ.), ում մոտ ախտորոշվել է երիկամային խրոնիկ անբավարություն: Այժմ Սոնայի առողջական վիճակը ծայրահեղ ծանր է, հնարավոր չէ դեղորայքով վերահսկել և անհրաժեշտ է երիկամային փոխպատվաստում:

Հետևելով Հայր Գաբրիել Աթոսացու հորդորին, թե՝ մարդ կկորցնի ամեն ինչ, բացի նրանից, ինչ բաշխել է, ձեռք մեկնենք կարիքի մեջ գտնվող մեր մերձավորին՝ պահպանելու համար ամենակարևորը՝ հոգու մաքրությունը, և արժանանալու հոգու փրկության համար այդքան անհրաժեշտ երկնային գանձերին:

Սոնային աջակցելու և դրամական փոխանցում կատարելու համար ներքոնշյալ բանկերում Սոնայի անունով բացվել են հետևյալ հաշվեհամարները՝

https://drive.google.com/.../1Nz6ck1vteH_mR2ADRGcLC...

«ԱԿԲԱ ԲԱՆԿ», AMD 220095381228000, ստացող՝ Սոնա Խաչատրյան

ACBA BANK OJSC, EUR (IBAN) AM220092520380002, SWIFT code: AGCAAM22, beneficiary name: Sona Khachatryan

ACBA BANK OJSC, USD 220092521818001, SWIFT code: AGCAAM22, beneficiary name: Sona Khachatryan

Корреспондентский счет в Сбербанке России: RUB корреспондентский счет в Сбербанке России: 30111810200000000521, номер счета получателя: 220092520257958, SWIFT code: AGCAAM22, Сона Хачатрян/Sona Khachatryan/

Idram ID: 975729721 (Sona Khachatryan)

ARCA 4847 0400 0085 1480 (ConversBank), Sona Khachatryan

Կարինե Սուգիկյան